الموقع بيوفر أداة عن طريقها تقدر تعرف الضرايب اللي بتدفعها من دخلك، وكمان يحسبلك نسب توزيعها، وبمعنى آخر الوسيلة هتساعدك في:
الموقع هيحسب قيمة ضرايبك وفقاً للتعديلات الجديدة واللي صدرت في الجريدة الرسمية عدد 34 (تابع) في 20 أغسطس 2015.
ضريبة الدخل بتتحسب على المرتب سنوياً، ومن 5 شرائح حددها القانون. كمان في حد للإعفاء الشخصي 7000 جنيه وموجود في قانون الضريبة على الدخل رقم 91 لسنة 2005.
الشرايح هم:
| الشريحة | الدخل (سنويا) | نسبة الضريبة |
|---|---|---|
| الأولى | أقل من 6,500 جـ | معفاة من الضريبة |
| التانية | أكتر من 6,500 جـ أو أقل من 30,000 جـ | 10% |
| التالتة | أكتر من 30,000 جـ أو أقل من 45,000 جـ | 15% |
| الرابعة | أكتر من 45,000 جـ أو أقل من 200,000 جـ | 20% |
| الخامسة | أكتر من 200,000 جـ | 22.5% |
الشريحة مش بتمثل تصنيف للمرتبات، بمعني كل لما زاد المرتب زادت الضريبة. مرتب الفرد الواحد ممكن يدخل في أكتر من شريحة.
مثال
لو مرتب فرد السنوي هو 36,000 جـ .
ده مش معناه أنه هيكون تحت الشريحة التالتة ويكون قيمة الضريبة 15% من المرتب السنوي.
لكن الضريبة تُحسب بعد خصم الاعفاء الشخصي7,000جـ وتكون الضريبة على أول 6,500جـ معفية.
وتكون الضريبة على المتبقي اللي أكتر من 6,500 هي 10%.
| بعد خصم الإعفاء الشخصي: 36,000 – 7,000 | 29,000 |
| ضريبة الشريحة الأولى: 6500 | — |
| ضريبة الشريحة الثانية: (29,000 – 6,500) × 10% | 2,250 |
| مجموع ضريبة الدخل (سنوياً) | 2,250 |
دايماً الناس بتسأل عن الضرايب اللي بتدفعها بتروح فين، ومدى الاستفادة الحقيقية؟ وبعد التعديل اللي حصل في قانون الضرايب على الدخل والكلام عن مدى جدواه، فكرنا في عمل وسيلة عشان نشوف بيها الضرايب اللي بتتاخد من دخل المواطن العادي بتروح فين، وازاي بتتوزع على القطاعات والخدمات المختلفة؛ يعنى نعرف إيه بيروح منها للصحة، التعليم، الأمن، وغيرها.
هي أحد مشاريع برنامج الشفافية والمساءلة بـمركز دعم لتقنية المعلومات 
وهي منظمة حقوقية تأسست كمبادرة عام 2004 واتخذت هيكل مؤسسي سنة 2006، تعمل من أجل تعزيز الحق في المعرفة وحرية تداول المعلومات في مصر، وذلك بالعمل في مجال البحث والدعوة والتدريب من أجل تعزيز حرية تداول المعلومات، والشفافية والمساءلة، وإستقلالية الإعلام
الموقع يؤسس لمبادئ الشفافية فيما يتعلق بالضرائب التي تحصلها الدولة من أموال المواطنين، وكيف يتم صرف هذه الأموال على قطاعات الموازنة المختلفة.
لحساب ضريبة الدخل ونسب توزيعها في قطاعات الموازنة اضغط هنا.
